查看完整版本: 莫笑淫媒養家禽 官府養狗禍更深

莫笑淫媒養家禽 官府養狗禍更深

稀奇稀奇真稀奇！一向同壹淫媒勾勾搭搭、眉來眼去嘅黨報《文匯報》，近日連續發表文章猛插《壹週刊》專欄作者、有「十九才子」之稱嘅陶傑，話佢係文痞，係「廁紙纏頭的蒼蠅」，係淫賤黎豢養嘅某種家禽，令人嘆為觀止。唔知咁算唔算係狗咬狗骨呢？
件事係咁嘅。十九才子喺《壹週刊》寫咗篇題為「蜻蜓群低飛的時候」嘅奇談怪論，大肆吹捧美國圍堵中國戰略，仲話希望第三次世界大戰早啲爆發，理由係「世上的瘋子、蠢材、庸人，越來越多了，不打一仗洗洗基因牌，全人類都向低智商沉淪」。

叮！身為中國人，十九才子妖言惑眾，祈求美國快啲攻打中國，為中國人「洗洗基因牌」，呢種賣國言論同李漢奸如出一轍，確實令人側目。《文匯報》作為黨嘅喉舌，呢個時候梗要企出來表吓態喇，於是便上演咗一場狗咬狗骨嘅鬧劇。

話時話，《文匯報》怒斥淫賤黎及十九才子嘅賣國言論，固然係正氣凜然，不過咁，呢班港產漢奸之所以肆無忌憚認賊作父，愈賣國愈快樂，皆因背後有人撐腰，而且唔止港英餘孽，連內地唔少官老爺都係佢哋嘅保護傘添。所以話，《文匯報》鬧還鬧，但打狗要睇主人，如果唔係，得罪咗淫賤黎事小，得罪佢背後嘅狗主事大，到時咯喎，打狗不成反而被狗咬，咁就真係唔衰攞嚟衰囉！

冇錯，十九才子確係淫賤黎豢養嘅家禽，為求主人賞賜經常發表奇談怪論，但無論點都好，家禽始終唔及淫賤黎呢隻走狗厲害。點厲害？講起就一匹布咁長。係人都知，淫賤黎係靠誨淫誨盜、反中亂港起家，佢嘅壹淫媒日日詛咒中國，叫囂「天滅中共」、「結束一黨專政」，甚至公開羞辱國家領導人係「大陸佬」、「Short short地」，擺明同共產黨勢不兩立，不共戴天。

奇就奇在，內地當局唔單止冇封殺壹淫媒呢個反共急先鋒，仲百般呵護，對壹淫媒報刊喺深圳等地賣通街隻眼開隻眼閉，甚至以銀彈相助添。呢，當年壹淫媒搞上市，本來已經山窮水盡，中資銀行及時送上大把「金丹」，中資機構更以大量廣告「銀彈」支持，令壹淫媒絕處逢生，快高長大。

更加令人難以相信嘅係，中共嘅紅色根據地江西井岡山市來港推廣旅遊，好揀唔揀，居然揀爛果報獨家落廣告。仲有，惠州市中級法院吖、湖北窗口公司吖等等，亦排住隊喺爛果報落廣告，問你服未。

事實證明，唔少內地官員表面上與反共傳媒劃清界線，實際上卻與淫賤黎暗中勾結，充當佢嘅保護傘。如果大家仲係唔信，不妨再睇吓淫賤黎旗下公司印製嘅六合彩報點樣喺內地如入無人之境。地下六合彩荼毒神州，害到唔少同胞傾家蕩產、妻離子散，連命都輸埋，而呢啲正正係走私六合彩報所造成嘅惡果。喺內地，港產六合彩報係非法刊物，如果冇內地貪官、公安甚至軍方喺暗中保護，淫賤黎嘅六合彩報有冇可能長期畀人走私北上呀？有冇可能禍害全中國呀？

堡壘最容易從內部攻破。港英餘孽及內地當局長期縱容壹淫媒，養狗為患，唔止搞到香港永無寧日，連神州大陸亦烏煙瘴氣，《文匯報》依家先至嚟扮正義，遲唔遲啲吖。計太一叮話齋，再咁落去，唔使美國攻打，中國遲早都自己變色喇。叮！



[url]http://tv.on.cc/index.html?s=41&ss=64&i=OCM100903-11849-N08&d=1283485906[/url]

柳頤衡
　有「文妓」之稱的「十九才子」陶傑，沒有絲毫文人氣節乃眾所周知，「誰給錢他，他就會為誰說話」。最近他在《壹週刊》炮製了篇「蜻蜓群低飛的時候」，吹捧美國圍堵中國戰略，聲稱「美韓咄咄逼人的軍演，是北韓與中國逼出來的」，「不打一仗洗洗基因牌，全人類都向低智商沉淪」云云。被肥佬黎當成某種家禽豢養的「十九才子」，為求主子賞賜所發怪論令人側目。
　陶傑聲稱「願第三次世界大戰早點爆發」，狂言消滅中國人「洗洗基因牌」。他配合美國圍堵和妖魔化中國，又在販賣「中國人基因差劣論」，顯示他的人格和心理極為畸形變態。英國十九世紀向中國發動鴉片戰爭，他竟然認為是英國「在盡情開發中華民族血液中嗜毒的基因」，讚其「戰略眼光，果然高瞻遠矚，盡現王者風範」云云。
　陶傑動輒販賣「中國人基因差劣論」，諸如「中國人小農民族奴性DNA」，「中國愚昧政治的遺傳基因，真是世代難移」，「香港人太可憐了，對生活質素的要求低，是中國人的基因宿命」，等等，引起數典忘祖的抨擊。但這次他竟然以「中國人基因差劣論」，鼓吹美國霸權主義有理，支持美國對中國發動戰爭，其漢奸陰暗心態令人髮指。
　陶傑也是中國人，如此誣衊中國人，端為何事？要找個合乎邏輯的解釋，只能說是陶傑以他的小人之心度民族之腹。陶傑的個人基因和品德確實令人不敢恭維，說他是民族敗類也符合事實。但說他是「文妓」，則抬高了他，因為「妓亦有道」，而陶傑連妓都不如，他不過是一隻廁紙纏頭的蒼蠅。
　這隻蒼蠅不僅擅於逐臭，而且擅於逐腥。他到內地，只看得到糞便，並對著廁所下拜誣衊說是中國的體味。在九龍塘「性地」，他穿梭於時鐘酒店闢室逐腥已是家常便飯。有一次被記者撞破，為了不想廬山真面目曝光，不惜以廁紙纏頭，纏到恍似木乃伊般只露出雙眼，十足一隻廁紙纏頭的蒼蠅。
　這隻蒼蠅現在飛出來鼓吹美國霸權主義有理，支持美國以戰爭手段壓制中國和平崛起，不過是幾聲凄厲，幾聲抽泣。近月來的中美角力過程顯示，中國的和平崛起是美國無法遏制的。